راح افك قفل الحجي والغي السكوت-
ونحط عين بعين نتحاجه كشف-
راح وكت المستحه ووكت السكوت-
كبل اسكت عالطعن هسه اختلف-
كبل تشكي عيونك وتبجي وتنوح-
هسه وكحة اعيونك انته شكد صلف-
وامس من جرحك نزف صرت انه خيط-
يعني ماتعرفني بس وكت النزف-
درع وكت المعركة انحط عالصدور-
تخلص المعركة اعلة الكاع انتلف-
بخنجرك تطعن وتحلف ماتعيد-
وخلص عمري وياك طعنات وحلف-
ضيعت عمري بمحبتك وابتليت-
جان مفروض بحمبتك احترس
------------كافي بعد------------

ما جــــنة كَبل نــــتفاركَ آني ويـــــاك
بس هسة الفراكَ ويـــــاك شو طــول؟؟
كَوة اليوم يكَضــــي وانته ما مـوجـود
وكل ضحــكة بغيــــابك دـــمعة تتحــول
يل حته الكَمر من شـــافك إنـغر بيـــــك
ونزل يوكَف كَبـــــالك شـــــهر يتــــأمل
نزل عاف الســـــمه وقرر يعيش ويــاك
تاه من الســمه وبــس الك ظل ينــــــدل
ويل عــينك بــحر ميـــعبره اي ســــفان
وخدودك شمس وتضــوي من تخـــجـــل
وياك آني غــــلطت واعترف هســة بهاي
وشــــتحكم عَـــــــلَي ماناقـــش وأقـــــبل
مشتاكَ ارد ابوســك وارد احضنك حيـــل
يل بجســــــمك دفـــو بتموز ما ينـــــمل
صح هســة عفتــــني وغـبت عن العــين
بس حاضر حـــبيبي بروحـــي تتســــجل
يل جنـــــك طـــــفل من تبتســـــم مـرات
ويَل كلش صــعب لو فــكرت تزعـــــل
يا بلســم جروحي وبعد شــــحجي وياك؟؟
مو حــته الجـــــرح ظل بيـــك يتوســـل